Er mwyn archwilio diwylliant cyfoes, aeth chwech o sêr y dyfodol o Aberbargod a Gelligaer i Ganolfan y Mileniwm ym Mae Caerdydd. Gan eu bod yn berfformwyr profiadol, gwnaethant benderfynu gwneud storïau digidol ynglyn â’u llwyddiannau a’u huchelgeisiau. Yn ddiweddar, roedd dwy ohonynt wedi cael llwyddiant mawr mewn cystadleuaeth i fandiau roc. Roedd dwy arall newydd gymryd rhan mewn ffilm ar gyfer y teledu; ac un arall yn ddawnswraig brofiadol a oedd wedi cael cryn lwyddiant mewn cystadlaethau ers blynyddoedd. Crisialwyd eu holl obeithion yn un stori, lle mae’r adroddwr yn breuddwydio mai ef yw un o sêr enwoca’r byd. Efallai y bydd eu henwau’n serennu yng Nghanolfan y Mileniwm yn fuan...
